Indung (versi sunda - copas)

BEDANA  KURING JEUNG INDUNG ...JADIKEUN BAHAN RENUNGAN...

Indung teh  luar biasa.
Beda jeung kuring.
Mun  pendak atanapi papisah indung sok nyarios 
"hampura  ema teu bisa mere nanaon, ngan bisa mere do'a ."

Ieu cariosan asa  nampiling pipi,

indung nu geus sakitu  loba mere pangorbanan, mikacinta, mikaasih  keur kuring jeung adi lanceuk  masih nyarios " hampura ema teu bisa mere nanaon"

Samentara  kuring paling nyium pananganna, masihan rupiah  teu langkung ti  10 persen  panghasilan, geus ngarasa jadi  anak  nu bakti ka indung.

Indung teu ngarasa  loba  nyieun kahadean ka kuring.

Padahal kahadean, kanyaah indung  hese pisan di itung, loba teuing.

Samentara kuring ngarasa jadi anak nu taat  jeung  hebat, ngan ku sa cewir  kahadean. 

Oh, muliana  indung jeung na'ifna diri kuring.

Lamun kuring  gering, indung  rela  nempuh  parjalanan  ratusan kilometer. oge aya kalana mentas lautan  ngan  hayang  nyium kuring anu jadi putra/putrina.

Padahal mun  indung  teu damang  kuring ngan  ngangkat telepon truss  ngomong

" hapunten ema, teu  tiasa    ngalongok  ema, nuju seueur padamelan."

Oh  naha beda pisan kuring jeung indung kuring.

Anjeunna  ngantunkeun sagala kasibukanna  supaya bisa  panggih jeung kuring anakna.

Samentara kuring nyieun alesan sibuk  tru bisa  nyarengan waktu  anjeunna teu damang.

Waktu  sakola oge kuliah, indung rela  ngahutang kaditu kadieu, bisa jadi meunang  hinaan tinu mere hutang.

Tapi naha  kuring  ayeuna tega nyebut  "hapunten  ema , abdi can tiasa  seueur ngabantos , abdi masih kedah  ngamajengkeun   bisnis sareng kulawarga ."

Da kumaha atuh aya oge ieu keur nabung kabutuhan keur meuli motor,imah,Mobil, umroh jst

Padahal  indung  ngawaler :" Ema  sugema  nempo anaking  jeung kulawarga  bahagia " Oh  ema, kuring beuki isin.

Subuh  tadi  kuring ceurik, inget ka indung bakti ka indung can aya naon - naon .

Kuring ngan bisa ngadu'a  "Ya Allah jaga pun biang, muliakeun , pasihan tempat nu mulia   sarta  mahkota nu suci engke di sawarga "-

Duh  hina pisan  ieu diri nu ngan bisa  ceurik jeung ngirim  du'a di  umur nu beuki ngolotan .

Eta  bedana kuring  jeung indung kuring.

Kanu masih keneh aya kolot Sok cing soson soson meungpeung indung bapak aya keneh...anjeuna duaan mangrupakeun karamat anu teu kawilang hargana
Aamiin